Сүхбаатарын талбайн урд байрлах гэрлийн шонд байрлуулсан цэцгүүд нийгмийн сүлжээнд шуугиан тариад байна. Иргэд энэхүү ажилд шүүмжлэлтэй хандаж буйгаа цахим хуудсаараа дамжуулан илэрхийлсээр байгаа юм.

Энэ талаар Нийслэлийн хот тохижилтын газрын Ногоон байгууламжийн албаны дарга Н.Магсараас тодруулахад “Гудамж, талбайн арчилгааны хүрээнд талбайн урд байрлах гэрлийн шон, Энхтайван, Маршалын гүүрний замын хашлагад савтай цэцэг байршуулна. Үүнд төсвөөс мөнгө гаргаагүй. Зарим сав нь өмнө байсан. Сүхбаатарын талбайн урдах цэцгийн савнууд 700 мянга болсон. Бид “Ард” даатгал, “Оюу толгой” “E mart” зэрэг томоохон ААН-үүдтэй хамтарч ажилладаг. Түүнээс гарсан тодорхой хэмжээний ашгаараа энэ ажлыг хийсэн юм . Хүмүүсийн бодоод байгаа шиг хэдэн зуун сая төгрөг болоогүй. Нэг сав нь 3-4 мянган төгрөгийн үнэтэй худалдаалагддаг. 2021 онд Нийслэлийн хот тохижилтын газарт гурван тэрбум төгрөгийн төсөв баталсан. Тэр мөнгөөр нь бид 200 гаруй ажилчдынхаа цалин, Нийслэлийн 48 том гудамж, талбайг арчилдаг" гэлээ.