Хөл бөмбөгчин Г.Ганбаяр Унгарын дээд лигийн мөнгөн медаль хүртжээ

Г. Жавхлантгарьд:
Соёл урлаг- Спорт

2021-05-11, 722

Европ тивд тоглож буй хөл бөмбөгчин монгол хүүгийн нэгэн шинэ амжилтаар Монголын хөл бөмбөгийн түүх баяжиж байна. Монголын үндэсний шигшээ багийн тамирчин, алдарт Пушкаш академийн довтлогч Г.Ганбаяр багийнхаа хамт Унгарын дээд лигийн тэмцээнд хүчээ сорьж, мөнгөн медалийн эзэд болов.

Алдарт Пушкашийн нутагт, домогт Ференцварошийн араас аман хүзүүднэ гэдэг яах аргагүй бахдам амжилт юм. Монголын хөл бөмбөгийн холбоо /МХБХ/-ны 2015 онд эхлүүлсэн "Пушкашийн хүүхдүүд" төсөлд 10 гаруй хүүхэд хамрагдаж, эхнээсээ үр дүнгээ харуулсаар байна.

МХБХ-ны ерөнхийлөгч А.Ганбаатар “Ирэх намар Г.Ганбаяр Европын цомын төлөө тоглохыг бид бүхэн үзнэ гэдэгт эргэлзэхгүй байна. Эцэг эх, гэр бүл, “Хоромхон” клуб, шигшээ багийнхан, МХБХ-ны хамт олон, зөвлөл, Унгар дахь Элчин сайдын яам, фэнүүдэд нь баяр хүргэе” хэмээн өөрийн цахим хуудсандаа бичжээ.

Хөл бөмбөгчин Г.Ганбаяр Унгарын дээд лигийн мөнгөн медаль хүртжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид