Токиогийн олимпод оролцох чөлөөт бөхийн эрх олгох сүүлчийн тэмцээн өнөөдөр эхэлнэ. Энэ сарын 6-9-ний хооронд Болгар улсын нийслэл Софи хотноо болох тэмцээнд манай улсын таван тамирчин оролцох юм.

Ази тивийн олимпын эрх олгох тэмцээнээс эрх авч чадаагүй таван жинд эрэгтэй дөрвөн, эмэгтэй нэг бөх Монгол улсаа төлөөлөн барилдана.

Оролцох тамирчид:

• 57 кг -ийн жинд Насанд хүрэгчдийн дэлхийн аварга шалгаруулах тэмцээний хошой хүрэл медальт, Монгол улсын гавьяат тамирчин Э.Бэхбаяр
• 74 кг -ийн жинд 23 хүртэлх насны дэлхийн аварга шалгаруулах тэмцээний хүрэл медальт, Олон улсын хэмжээний мастер Б.Бямбадорж
• 86 кг- ийн жинд Насанд хүрэгчдийн дэлхийн аварга шалгаруулах тэмцээний мөнгөн медальт, Монгол улсын гавьяат тамирчин П.Өнөрбат
• 97 кг -ийн жинд Азийн танхимын наадмын хүрэл медальт, Олон улсын хэмжээний мастер Ч.Алтангэрэл
• Эмэгтэйчүүдийн 62 кг-ийн жинд Чөлөөт бөхийн "Poland Open", “Иван Яригин” олон улсын тэмцээний аварга, Олон улсын хэмжээний мастер Х.Болортуяа 

Багийн ахлах дасгалжуулагчаар Б.Баттулга, эрэгтэй багийн дасгалжуулагчаар А.Цэдэнсодном, эмэгтэй багийн дасгалжуулагчаар Ө.Ууганбаяр нар ажиллаж байна.