Өмнөд Солонгосын “Сүнчон” их сургуулийн шигшээ багт 2022 оноос хойш тоглож байгаа  Р.Төгөлөдөр Монгол Улсынхаа сагсан бөмбөгийн Үндэсний дээд лигийн 2025 оны драфтад нэрээ өгөхөөр болсон байна. Тэрбээр  2004 онд төрсөн, 190 см өндөр холбогч болон довтлогчийн байрлалд тоглодог, шидэлт сайтай тоглогч. Амжилтуудаас нь дурдвал Өмнөд Солонгосын баруун бүсийн их сургуулиудын дундах тэмцээнд түрүүлж, “MVP” хүртсэн. Мөн “3x3 HONGCHEON CHALLENGER” тэмцээнд аваргалж, шилдэг тоглогч болж байжээ.