Олон улсын жүдо бөхийн холбоо (IJF)-ны 2023 оны хоёр дахь “Их дуулга” тэмцээн өндөрлөж байна. Израиль Улсын Тель-Авив хотод болсон энэ удаагийн их дуулга тэмцээнд  манай  эрэгтэй арав, эмэгтэй найм, нийт 18 жүдоч барилдсан.

           Тель-Авивын их дуулга тэмцээний сүүлийн өдөр эрэгтэйчүүдийн 90 кг-ын жинд Үндэсний шигшээ баг, "Алдар" спорт хорооны тамирчин, ОУХМ Гантулгын Алтанбагана хүрэл медаль хүртлээ. 

             Израилиас монголын багийн эхний медалийг авчирсан тэрбээр нэмэлт цагт 2018 оны ДАШТ-ий мөнгөн медальт Кубын Иван Фелипе Силва Моралесийг цэвэр ялснаар шагналын тавцанд зогсох эрхтэй болсон юм.