Самбо бөхийн залуучуудын 1990 оны дэлхийн аварга, дэлхийн цомын хошой мөнгөн медальт, Монгол Улсын гурван удаагийн аварга ОУХМ Ж.Оргилболдын нэрэмжит самбо бөхийн 2023 оны насанд хүрэгчдийн улсын аварга шалгаруулах тэмцээн өнөөдөр Булган аймгийн Биеийн тамир, спортын газрын зааланд эхэлнэ.

Анхдагчийн өлгий булганчууд 30 жилийн дараа нутагтаа самбо бөхийн УАШТ-ий хүлээн авч байгаа бөгөөд дэлхийн аварга гавьяат тамирчин Д.Төмөрхүлэг, дэлхийн аварга ОУХМ Д.Алтансүх, Д.Пүрэвдорж, Ч.Марал-Эрдэнэ тэргүүтэй 20 байгууллагын 200 гаруй тамирчин оролцоно.  Эрэгтэйчүүдийн 58, 64, 71, 79, 88, -98, +98 кг, эмэгтэйчүүдийн 50, 54, 59, 65, 72, -80, +80 кг, байлдааны самбын 58, 64, 71, 79, 88, -98, +98 кг-ын жинд өрсөлдөхөөр хуран чуулаад байна.