Жүдо бөхийн “Бор нуур” дэвжээний 11 жилийн ойг тохиолдуулан “Бор нуур CUP” олон хотын өсвөр үеийн тэмцээн болно.  Тус тэмцээн энэ сарын 27-29-ний өдрүүдэд Сонгино хайрхан дүүргийн БТСХ-ны зааланд явагдана.  Тэмцээн бага, дунд, ахлах насны охид, хөвгүүдийн ангиллаар явагдах юм.

          Бага насны 2011 оноос хойш төрсөн хөвгүүд 24, 27, 30, 34, 38, 42, 46, 50, 55, -60, +60 кг-ын жинд, охид 32, 36, 40, 44, 48, 52, -57, +57 кг-ын жинд өрсөлдөнө. Дунд насны ангилалд 2009, 2010 онд төрсөн хүүхдүүд орно. Энэ насны хөвгүүд 34, 38, 42, 46, 50, 55, 60, 66, -73, +73 кг-ын жинд, охид 36, 40, 44, 48, 57, -63, +63 кг-ын жинд барилдана.

          Ахлах насны охид, хөвгүүдийн ангилалд  2006, 2007, 2008 онд төрсөн хүүхдүүд барилдах юм. Энэ насны хөвгүүд 50, 55, 60, 66, 73, 81, -90, +90 кг-ын жинд, охид 40, 44, 48, 52, 57, 63, -70, +70 кг-ын жинд өрсөлдөнө.