Португаль Улсын Алмада хотод жүдо бөхийн энэ оны эхний гран при тэмцээн нэгдүгээр сарын 26-29-ний өдрүүдэд болно.  Алмадагийн гран прид 82 орны эрэгтэй 335, эмэгтэй 233, нийт 568 жүдочид барилдахаар мэдүүлэгээ өгсөн байна. Тэмцээний сугалаа нэгдүгээр сарын 26-ны өдөр явагдана.

       Манай улсаас эрэгтэйчүүдийн 60 кг-ын жинд Б.Сүхбат, К.Ёолк, 66 кг-д Г.Сод-Эрдэнэ, Л.Өнөболд, 73 кг-д Л.Анхзаяа, О.Уранбаяр, 81 кг-д Г.Болор-Очир, -100 кг-д Б.Гончигсүрэн, +100 кг-д О.Цэцэнцэнгэл, Л.Энхболд нар барилдана. Эмэгтэйчүүдийн 52 кг-ын жинд М.Нандин-Эрдэнэ, 57 кг-д О.Оюунчимэг, 63 кг-д Д.Есүй, 70 кг-д Б.Ням-Эрдэнэ, -78 кг-д О.Хүслэн, Б.Эрдэнэт-Од, +78 кг-д Д.Номинзул нар барилдах мэдүүлэг өгсөн байна.