Сонирхогчдын боксын U22 насны Азийн аварга шалгаруулах тэмцээн Тайландын нийслэл Бангкокт хотноо эхэлж байна. Манай улсаас тивийн аваргад эрэгтэй зургаа,  эмэгтэй найм, нийт 14 тамирчин эх орноо төлөөлөн оролцож байгаа юм.

    Өнөөдөр эрэгтэйчүүдийн 60 кг-ын жинд  Дэлхийн цомын хүрэл медальт Тэгшжаргалын Энхтөр өрсөлдөгч Филиппиний Лаки Мервин Алкобертэй тулалдана. Эмэгтэйчүүдийн 66 кг-ын жинд Мягмарсүрэнгийн Цэцэгдарь мөнгө, эрэгтэйчүүдийн 63.5 кг-ын жинд Оюунбаатарын Тулга, эмэгтэйчүүдийн 48 кг-д Бейсинбейгийн Жанаргуль, 52 кг-д Алтанбекийн Хулан, 57 кг-д Баттөрийн Золжаргал, 63 кг-д Ганзоригийн Бадмаараг нар хүрэл медалийн болзол хангаад байна.