Хэвтээ шахалтын 2023 оны “CLASSIC & EQUIPPED BENCH PRESS” улсын аварга шалгаруулах тэмцээн энэ сарын 14-15-ны өдрүүдэд амжилттай болж өндөрлөсөн байна. Энэ удаагийн улсын аварга шалгаруулах тэмцээн өсвөр үе, залуучууд, насанд хүрэгчид, мастер-1, мастер-2, мастер-3 ангиллаар явагдаж дүнгээ гаргасан байна. Насанд хүрэгчдийн эрэгтэйчүүдийн тэмцээн 59, 66, 74, 83, 93, 105, -120, +120 кг-ын жингийн ангиллаар болжээ. Монгол Улсын гавьяат тамирчин Э. Содномпэлжээ 105 кг-ын жинд 255 кг-ыг шахаж улсын аварга болсон байна.