Ёкозүна Тэрүнофүжи Г.Ган-Эрдэнэ шинэ оны эхний тэмцээн болох Хацү башёг өнжих болсноо баасан гарагт мэдэгджээ. Ингэснээр 31 настай их аварга 2021 оны есдүгээр сард дээд цолд хүрснээс хойш дөрөв дэх удаагаа башёг өнжиж байна. Түүний мэдээлснээр өнгөрсөн аравдугаар сард сэдрээсэн хоёр өвдөгний бэртлээ бүрэн эдгээх бодолтой байгаа аж.  Шинэ оны эхний тэмцээн ням гарагт буюу нэгдүгээр сарын 8-д эхэлсэн бөгөөд озэки Такакейшо башёг ганцаар тэргүүлж байгаа юм.