Чөлөөт бөхийн өсвөр үе, залуучуудын багийн анхдугаар лигийн тэмцээний хоёрдугаар тойрогт “Алдар” спорт хорооны  “U17” насны ангиллын баг анхны ялалтаа авлаа. Тэд эхний тойрогт “Хасу мегастарс” клубийн багтай 5:5-аар тэнцэж, бүхэл онооны дүрмийн дагуу харамсалтай ялагдал хүлээсэн. Харин хоёрдугаар тойрогт Баянгол “Аваргууд” академийн багийг 7:3-аар илүүрхэн ялжээ.

    “Алдар” спорт хорооны  “U17” насны багийн Ч.Бат-Эрдэнэ 45 кг-д, П.Сумъяабазар 51 кг-д, Б.Наран-Өлзий 55 кг-д , М.Сумъяабазар 60 кг-д, Ц.Ганбат 71 кг-д, Э.Баярбаатар 92 кг-д, Б.Билгүүтэй 110 кг-д тус тус ялалт авсан байна. Харин Баянгол “Аваргууд” академийн багаас О.Анар 48 кг-д, Т.Эрдэнэцогт 65 кг-д, Ц.Далайдорж 80 кг-д тус тус багтай хожлын оноо  авсан ч баг нь 7:3-аар хожигдол хүлээжээ.