Өсвөр үе, залуу бөхчүүдийн ур чадварыг ахиулах, дэлхийн дэвжээнд өрсөлдөхөд бэлдэх, клубүүдийн үйл ажиллагааг дэмжих зорилго бүхий чөлөөт бөхийн анхдугаар лигийн тэмцээн маргааш нээлтээ хийх гэж байна. Тэмцээн “U17”, “U22 “ насны ангиллаар зохиогдох бөгөөд багууд нэгдүгээр сарын 14-ний өдрөөс гуравдугаар сарын 4-ний өдрийг дуустал тойргоор барилдаж, шилдгүүдээ шалгаруулах юм. Энэхүү лигийн “U22” насны ангилалд дараах есөн баг өрсөлдөхөөр болжээ.  “Алдар” спорт хороо, Спортын төв сургууль,  73 дугаар сургууль, Сонгинохайрхан дүүрэг- “MJ”, Төв аймаг, Налайх дүүрэг, “Голомт” цогцолбор, “Төгс” дэвжээ, “Хасу-Мегастарс” клуб, “Тэх Мөнх” клубууд орж байгаа.

       Харин “U17” насны ангилалд дараах 10 баг тойргоор өрсөлдөх юм. Үүнд “Алдар” спорт хороо, Спортын төв сургууль,  73 дугаар сургууль, Баянгол дүүрэг, “Аваргууд” академи, Төв аймаг, Налайх дүүрэг, “Төгс” дэвжээ, “Хасу-Мегастарс”, клуб, “Тэх Мөнх” клуб, “Цаст тайга” клуб багтсан байна. Барилдаанууд баасан, бямба гараг бүрт “Хилчин” спорт хорооны зааланд болно.