Mонголын сагсан бөмбөгийн  холбооны “Cares” хөтөлбөрийн хүрээнд "Берлин - 2023" олон улсын тусгай олимпын дэлхийн наадамд 3x3 багийн тамирчид оролцоно. Олон улсын тусгай олимп нь оюуны ялгаатай хөгжилтэй хүүхэд залуусыг спортоор дамжуулан нийгэмшүүлэх зорилготой юм.

          "Берлин 2023" тусгай олимпын наадам нь энэ оны зургадугаар сарын 17-25-ны өдрүүдэд зохиогдох буюу Монгол Улсаас есөн спортын төрөлд 44 тамирчин оролцох юм байна. Монгол Улсаа төлөөлөн сагсан бөмбөгийн 3x3 төрөлд Орхон аймгийн “Гэрэл” төвийн тамирчид В.Мөнгөнцэцэг, Х.Дариймаа, Дархан-Уул аймгийн XII сургуулийн сурагчид Э.Батчимэг, С.Ганцэцэг болон Улаанбаатар хотын 55 дугаар сургуулийн сурагч З.Баттулга нар оролцох юм. Тус тамирчид энэ сарын 13-14 өдрүүдэд МСБХ-ны 3х3 эмэгтэй шигшээ багтай хамтарсан бэлтгэл хийнэ.