Спорт сонирхогч, сурагч охид, хөвгүүдийн дунд “Улаанбаатар-2023 Зүүн Азийн залуучуудын наадам ба Миний дуртай спорт” зохион бичлэгийн уралдаан зарлаж байна. “Улаанбаатар-2023” Зүүн Азийн залуучуудын наадам нь 2023 оны наймдугаар сард Монгол Улсын нийслэл Улаанбаатар хотноо явагдах бөгөөд Зүүн Азийн бүс нутгийн есөн Үндэсний олимпын хорооны өсвөр, залуу тамирчид спортын 12 төрлөөр хурд хүчээ сорин өрсөлдөх юм.

           “Улаанбаатар-2023” Зүүн Азийн залуучуудын наадмын үеэр хэрэгжүүлэх “Өсвөр сурвалжлагчдын хөтөлбөр”-т оролцох 14-18 насны 2005-2009 онд төрсөн хүүхдүүд монгол хүүхдүүдийг сонгон шалгаруулхад тус уралдааны зорилго оршиж байна.

            Тус уралдааныг 2022 оны арваннэгдүгээр сарын.15-ны өдрөөс 2023 оны гуравдугаар сарын 31-ний өдөр хүртэл хугацаанд зарлаж байгаа юм. Уралдааны шалгаруулалтыг хоёр үе шаттайгаар зохион байгуулна. Эхний шатанд “Улаанбаатар 2023 Зүүн Азийн залуучуудын наадам ба Миний дуртай спорт” сэдвээр зохион бичлэг 2022 оны IV улиралд, хоёр дахь шатанд шалгарсан 20 хүүхдийг урьж тодорхой сэдвээр зохион бичлэгийг монгол хэл дээр бичүүлж, англи хэлний тест шалгалтаар 2023 оны эхний улиралд шалгаруулна.