Х.Нямбаатар: 2026 онд Гурвалжингийн гүүрэн доогуур 0.6 км авто зам барина

2025-11-22, 109

Баянгол дүүргийн 29 дүгээр хороо, Гурвалжингийн гүүр орчмын зөрчлийг арилгаж, тохижилтын ажлыг хийж буй. Тодруулбал, Гурвалжингийн гүүрний орчмын нийтийн эзэмшлийн зам талбайд зөвшөөрөлгүйгээр барилгын материал, элс, хайрга ил задгай худалдаалж, олон жил зогсоол болгон ашиглан тухайн орчинд хөрсний бохирдол ихээр үүссэн. Иймээс Гурвалжингийн гүүр орчмын дээрх зөрчлийг үе шаттай арилгаж, тохижилтын ажлыг эхлүүлсэн. Өнөөдрийн байдлаар Гурвалжингийн гүүрний хажуу налууг эко хавтангаар хучих ажил 90 хувьтай үргэлжилж байна. Харин Гурвалжингийн гүүрийг тохижуулах ажлыг ирэх хавар үргэлжлүүлнэ.

Хотын дарга Х.Нямбаатар “Сүүлийн 30-аад жил Гурвалжингийн гүүр орчимд элс цемент худалдаалж ирсэн. Энэ хэсэгт зөвшөөрөлгүй үйл ажиллагаа явуулж байсан иргэн, ААН-үүдийг Эрчим хүчний гудамжинд нэгдсэн зогсоол гаргаж, шилжүүлсэн. Үргэлжлүүлэн БГД-ээс Гурвалжингийн гүүр орчмыг тохижуулж байна. Улаанбаатар хотын суурьшлын бүс тэлж байгаатай холбогдуулан цаашид нийтийн эзэмшлийн зам талбайд элс хайрга, цемент заруулахгүй. Мөн 2026 онд Гурвалжингийн гүүрэн доогуур 0.6 км авто зам барина. Өөрөөр хэлбэл, Гурвалжингийн гүүрэн доогуур буцаж эргээд БГД-ийн 20 дугаар хороо, Баруун үйлдвэрийн гудамжтай холбогдох юм. Уг авто замыг Эрчим хүчний гудамжны замтай холбоно. Ингэснээр Эрчим хүчний гудамжнаас хотын төв рүү зорчихдоо Хөсөг трейдийн уулзвараар дайрахгүйгээр Гурвалжингийн гүүрэн доогуур эргэж, Дунд голын авто зам руу орох боломжтой болно. Мөн одоо барьж буй Гермесийн нүхэн гарцаар Нарны зам руу орох боломжтой болох юм” гэлээ.

Мөн Гурвалжингийн гүүр орчимд үйл ажиллагаа явуулдаг “STT” төв нь нийтийн эзэмшлийн талбайд зөвшөөрөлгүй контейнер, павильон барин барилгын материал зардаг. Уг зөрчлийг арилгуулж, явган хүний замыг чөлөөлөхийг холбогдох албаныханд үүрэг болгожээ.

Х.Нямбаатар: 2026 онд Гурвалжингийн гүүрэн доогуур 0.6 км авто зам барина

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2025-11-22 14:21:36

Зочин: Нямбаатарыг дахиад 10 жил засаг дарга хийлгэчихвэл манай хот тун дажгүй болох бх шүү
Сэтгэгдэл үлдээсэн: 2025-11-22 13:34:22

ЭЛБЭГ АЦ НЬ БНА: ОХУ-Д УКРАЙН, ХҮҮК-Д ОЮУК, АМАРАА 2 ЯЛАГДСАН Ч НЯМБАА МААНЬ САЙН АЖИЛЛАЖ БАЙГАА ЮМ БАЙНА ШҮҮ... БУУЛГАЖ ДАРАА НЬ БӨГСИЙГ НЬ УХАХГҮЙГЭЭР СОНГУУЛЬ ӨНГӨРӨӨХ МАН-ЫН БОДЛОГО БАЙГАА ГЭСЭН, АН-ЫНХАН Л 2028 ОНД ЯЛЖ НЭГЭН НӨХӨР Л БРОДИУР ЯРИХ БОЛОВ УУ... ТЭР БОЛТОЛ ЗҮТГЭЭД БАЙЖ, ЦААНАА ЯМАР МӨНГӨ ЯВЖ БАЙГАА НЬ БҮҮ МЭД Ч ЗОРИГТОЙХОН ДОРВИТОЙХОН АЖИЛЛАЖ БАЙГАА ХОТЫН ДАРГА БОЛ МӨНӨӨСӨӨ МӨН Л ДӨӨ...