УИХ-ын гишүүн С.Ганбаатар уран илтгэгчийн дугуйланд цөмөртлөө сурсан байх. Цээжний хэмжээ, цэцэрхэлтээ төгсөртөл нь хичээсэн байх, магадгүй. Сав л хийвэл сүүл толгой холбоод цэцэрхэж эхэлдэг нь “Манай даргын марзан үг” гэдэг үгийг трэнд болгож байна. Түүний өнгөрсөн арван жилийн хугацаанд УИХ-ын чуулганы индэр дээрээс хэлсэн инээдтэй ч юм шиг эмгэнэмээр үг олон бий. Монгол төрийн босгыг даваад, иргэдийг төлөөлж суугаа Төрийн түшээ С.Ганбаатарын амнаас унасан, цээжнээс гарсан анхаарал татам үгсийг онцолж байна.

-Би 30 нас хүртлээ секс боддог байсан шүү (2013.12.03)

-Монголчууд бодит бус хиймэл ертөнцөд өөрсдийн сонголтоор биш, бусдын сонголтоор яг л фермд хашуулсан гахай тахиа шиг амьдарч байна (2014.04.08)

-Маш олон жил монголчуудыг зовоосон энэ МАНАН-гийн түнэр харанхуйд нар мандуулна (2017.06.15)

 -Монголын ард түмнийг дахиж битгий басаарай (2017.06.30)

-Миний хэдэн туслах тагнуултай кино үзэж байсан тулдаа л би амьд гарлаа (2020.06.30)

-Миний амь нас аюулд орж мэдэх юм (2020.07.07)

-Өлсгөлөнгөө зогсоохгүй, эхнэр зөвшөөрөл өгвөл өөрийгөө шатаана (2021.01.25)

-Ерөнхий сайдыг "Рио Тинто"- гийн барьцаанаас чөлөөлөх гэж би өнөөдөр өлсгөлөн зарлаж байна (2021.01.25)

-Би нэг л өдөр Ерөнхийлөгч болно. Та нар санаа зоволтгүй (2021.03.15)

-МАНАН-д орсноос үхсэн минь дээр. С.Ганбаатарт намууд хэрэггүй, ард түмний итгэл найдвар хэрэгтэй (2021.04.30)

-Өнөө шөнө МАН-ынханд хар дарсан зүүд бэлэглэе (2021.05.21)

-Бэлчээртээ зарагдсан гэдэг шиг миний хуучин байсан нам эрх баригчидтай нийлсэн. “Тунгалаг тамир” кинон дээр Цахиур төмөр “Хэдэн адсаганаас болж хүн алах нь ээ” гэж. Жаахан албан тушаалаас болж би ч үхэхгүй байвал бусад нь яахав гэдэг арчаагүй байдлыг хараад гайхаж байна (2021.10.18)

-Сайдын суудалд тачаадсан хэдэн нөхдийн хүсэл хангагдах байх. МАН өөрийгөө булшилчихлаа, та нар одоо дууссан. Монголын улс төр сайтар найруулсан жүжиг болж хувирлаа (2022.08.24)

-Би 19 жил архаг шүгэл үлээгчээр ажилласан (2022.10.20)

-Эрүүл мэндийн даатгалын зөвлөлд нэр дэвшиж буй зургаан гишүүн минь, улстөрчдийн аймшигтай бирд царайлсан гарыг тас цохиж өгөөрэй гэж гуймаар байна (2023.04.21)

-“Тавантолгой” ХК-ийн нүүрс олборлолт, борлуулалт, худалдан авалтын үйл ажиллагаанд шалгалт хийсэн Түр хорооны нээлттэй сонсголын үеэр: (2023.12.04)

-Би 20 жил бөөс, хуурс хамаг юм аа шалгуулсан

-Хөрс хуулалтын компани байсан бол энэ олон сонгууль, Ерөнхийлөгчийн сонгуулийн үеэр намайг дүүжилчихсэн

-Би 22 тэрбум төгрөг МАН-д бэлэглэлээ

-Шүүхийн шийдвэр П.Батсайханы арын өрөөнд гардаг боллоо. Хамгийн сүүлд АПУ ХК-ийн П.Батсайханы арын өрөөнд С.Баярцогтын ялыг нүүрсчид худалдаж авах шийдвэрийг Дээд шүүхийн шүүгч нар гаргасан.

-Эрдэнэтчүүд маань эрх баригчдын хулгайг зогсоогоорой гэж намайг УИХ-д сонгосон  (2021.04.29)

-Солонгосын Ерөнхий сайд ажлаа сайн хийж байгаа учраас Монгол залуучууд Солонгос Улс руу явж байгаа (2022.10.06)

-УИХ-ын гишүүн газар хэлтсийн даргаас нь юм  гуйдаггүй юм. Гуйх бол сайдтай нь ярьдаг (2023.01.17)

-Намайг гуравхан сар Ерөнхийлөгч, Ерөнхий Сайд болгоод өгөөч (2023.05.30)

-Олигархиуд УИХ-д гараа цөмөртөл нь шаачихсан (2023.08.11)

-Тархи угаалтаар улс орныг тэжээдэг тэнэглэлээ одоо зогсоо (2024.03.15)

-Нохойн дуу ойртлоо, эрх баригчдаа та нар одоо дүнгээ тавиулна (2024.03.21)

-Эхнэр маань гэр бүлийн "Сангийн сайд"-ын ажлаа сайн хийдэг тул би хэдэн төгрөгөөр хүнс авдгийг сайн мэдэхгүй байна (2023.05.02)

-С.Ганбаатар: Би зарим хүмүүс шиг пялдагадаж, долоож чадахгүй (2023.10.10)

-Монголын ард түмнийг аврахын тулд 20 жил үнэнч зүтгэж, бүлэглэлтэй тэмцсэн (2024.03.21)

-Нүүрсчидтэй тэмцэнэ, ирээдүй хойч минь биднийг уучлахгүй гэдгээс айж байна (2024.06.13)

-Цалин тэтгэвэр нэмлээ гээд магтан дуулж байна даа. Мөн их хуцаж байна аа (2024.06.14)

-Миний 20 жилийн амьдрал өлслөө, цангалаа. Би талбай дээр өлсөж үзсэн, зургаан удаа өлссөн (2024.06.14)

-Шар нунтаг гаргаад ядуурчихсан орон Африкаар дүүрэн байна. Тэдний нэг болох гэж байгаа бол уучлаарай, энэ тэнэглэлээ зогсоо (2024.10.31)

-Ард түмэнд хэрэгтэй бол би өлсөнө (2024.03.31)

-Би АН-д Жанлавцогзол гэж ном уншуулсан. Гайгүй байх аа (2024.05.22)

-Француудтай хатуу ярих юм байгаа шүү (2025.01.09)

-Ухаантай царайлахаа боль (2025.01.20)

-Хүчиндэж байгаа баталсан хуулиуд бурхны зарлиг биш шүү (2025.02.06)

-Ухаа худгийн эздийн халаасанд МАН-ын бага хурал ороогүй гэдгээ нотлоорой (2025.05.22)

-Надаас ухаан алдталаа айж байна. Би ганцхан зүйлийг мэдэж байна дараагийн Ерөнхий сайд Сайнхүүгийн Ганбаатар болохгүй гэдгийг мэдэж байна (2025.05.23)