Л.ОЮУН-ЭРДЭНЭ: “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-гөө гаргалаа

Б. Бадралмаа:
Улс төр

2021-02-10, 967

Монгол Улсын Ерөнхий сайд Л.Оюун-Эрдэнэ “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-гөө танилцуулж байна.

Тэрбээр "Шинэ Засгийн газар ажлаа хүлээн авснаасаа хойш дөрвөн тодорхой зорилт дэвшүүлсэн. Нэгдүгээрт, цар тахлын богино хугацаанд туулах эдийн засгийн цогц төлөвлөгөө боловсруулна. Хоёрдугаарт, эдийн засгаа сэргээх ажил хийнэ. Гуравдугаарт, дундаж давхаргыг дэмжих үндэсний тогтолцоо бүрдүүлнэ. Дөрөвдүгээрт, шударга ёс цахим засаглалыг хөгжүүлнэ. Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөг бид боловсрууллаа. Энэ төлөвлөгөө бүх хүнд таалагдах албагүй, тийм боломж ч байхгүй.

Энэ төлөвлөгөөнд УИХ, Засгийн газар болон маш оллон холбогдох байгууллагууд оролцсон. Бүх улс орны жишээг авч үзсэн судалгаатай төлөвлөгөө болсон. Төлөвлөгөөний зонхилох хэсэг нь ажлын байрыг хамгаалах, олноор бий болгоход чиглэнэ. Ялангуяа, ажлын байрыг хамгаалах, олноор бий болгох нь энэхүү төлөвлөгөөний зонхилох хэсэг байх болно.

Засгийн газар эдийн засгаа дэмжих хүрээнд томоохон төслүүдээ яаран эхлүүлэх болно. Залуучуудын хөдөлмөр эрхлэлтийг дэмжих, орон сууцтай, тогтмол орлоготой байх гурван жилийн дунд хугацааны хөтөлбөрийг хэрэгжүүлнэ. Үүнд Монголбанктай хамтран ажиллана. Өнгөрсөн хугацаанд төсөв дээр 4.1 их наяд төгрөгийн ачаалал авч цар тахалтай тэмцсэн. Үүнээс хүүхдийн мөнгө, цахилгаан, дулааны үнийг хөнгөлөх асуудал оновчтой байсан гэж үзэж байгаа. Тиймээс энэ залгамж чанарыг үргэлжлүүлж, 1.7 их наяд төгрөгөөр үргэлжлүүлнэ. Өнөөдөр эдийн засаг зургаан хувийн агшилттай байна. Төсвийн алдагдал ДНБ-ийн 12 хувьтай байна. Үүнээс болоод арилжааны банкууд зээл гаргахаа больж, мөнгөн хөрөнгөө Төв банканд эрсдлийн сан байдлаар төвлөрүүлсэн. Үүнээс болоод мөнгөн урсгал зогсож, ажлын байр хомсдож, эдийн засаг эргэлтгүй болжээ. Шууд утгаараа 68.9 мянган ажлын байр цар тахлын нөлөөгөөр алга болжээ. Энэ байдал үргэлжилбэл 130 гаруй мянган ажлын байраар байхгүй болох эрсдэлтэй байна. Цаашид бид шинэ идэвхтэй, эрүүл амьдралын хэмнэлд шилжих хэрэгтэй. Ингэхдээ зайгаа барьж, маскаа зүүх, 12 хоног хатуу хөл хорионы дэглэмээ баримтлах нь чухал" гэлээ.

Л.ОЮУН-ЭРДЭНЭ: “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-гөө гаргалаа

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2021-02-11 22:04:45

popa: tulyvluguuchin, guitsetgel gej ogt baihgui, ******** ork. dandaa tuluvluguu ataa jutuuoi gutmaar ork

Шинэ мэдээ