УИХ-ын гишүүн С.Одонтуяа болон Баянгол дүүргийн ИТХ-ын төлөөлөгчид цаг үеийн асуудлаар мэдээлэл хийлээ. Тодруулбал, Баянгол дүүргийн Засаг дарга Ө.Сумъяабаатар нь хууль зөрчиж, хороодын Засаг дарга нарыг чөлөөлсөн хэмээн мэдэгдэв. 

Энэ талаар тэрбээр "Дээд шатны Засаг дарга доод шатны Засаг даргаа чөлөөлөх хоёр үндэслэлтэй. Тодруулбал, аймаг, нийслэл, сум, дүүргийн Засаг дарга эрүүл мэндийн шалтгаанаар ажлаа өгөх хүсэлтээ өгч, чөлөөлөгдөнө. Шүүхээр гэмт хэрэг үйлдсэн нь тогтоогдож, ялаар шийтгүүлсэн болон үүрэгт ажлаа хийх боломжгүй болсон бол Засаг даргыг огцруулах үндэслэлтэй. Гэтэл Баянгол дүүргийн Засаг дарга Ө.Сумъяабаатар нь 25 хорооны Засаг даргыг үндэслэлгүй ажлаас нь чөлөөллөө. Цар тахлын хүнд үед ажлаа мэддэг Засаг дарга нарыг хэвийн ажиллуулахгүй ажлаас нь чөлөөлж байна. Бид шүүхийн байгууллагад хандаж, асуудлаа үнэн зөв шийдүүлснийхээ дараа ажиллана" гэсэн юм.