УИХ-ын чуулганы үдээс хойших хуралдаанаар Засгийн газрын гишүүдийг томилох асуудлыг хэлэлцэх хуваарьтай байсан.

Гэвч Засгийн газрын гишүүдийг УИХ-д танилцуулах субъект хараахан бэлэн болоогүй учир энэ асуудлыг түр хойшлуулах болсныг УИХ-ын дарга Г.Занданшатар мэдэгдлээ.

Энэ удаагийн Засгийн газрын шинэ танхимд ажиллах хүмүүст тавьсан гол шалгуур болон онцлог нь өмнөх Засгийн газрын гишүүдээс бараг тал хувийг нь улирааж ажиллуулах, мөн нийгмийн хүлээлтийг харгалзаж эмэгтэйчүүдийн төлөөллийг нэмэгдүүлж анх удаа дөрвөн эмэгтэй, үүнээс гурван сайдыг шинээр Засгийн газарт оруулж ирсэн гэдгийг Ерөнхий сайд онцолсон.