УИХ-ын Хууль зүйн байнгын хорооны өнөөдрийн  хуралдаанаар Монгол Улсын Шүүхийн тухай хуульд хэсэгчлэн тавьсан  Ерөнхийлөгчийн хоригийг хэлэлцэхээр товлосон. Харин УИХ дахь АН-ын бүлгийн дарга Д.Ганбат энэ асуудлаар тав хоногийн завсарлага авах хүсэлт гаргалаа. Тэрбээр "УИХ-аас энэ оны эхээр Монгол Улсын Шүүхийн тухай хуулийн шинэчилсэн найруулгыг баталсан нь шүүхийн хараат бус байдлыг хангахад чухал алхам болсон. Энэ хуулийг хэлэлцэж батлахад АН-ын бүлэг идэвхтэй оролцож ажилласан. Гэхдээ хуульд хэсэгчлэн тавьсан Ерөнхийлөгчийн хоригийг сайн нягталж үзэх, хоригийн үндэслэлийг сонсож танилцах шаардлагын үүднээс завсарлага авах хүсэлтэй байна" гэлээ.