• Өнөөдөр 2024-03-29

Д.ТОГТОХСҮРЭН: Засгийн газрын бүрэлдэхүүнд өөрчлөлт орохгүй байх

МАН-ын Удирдах зөвлөлийн хурал дуусжээ. Хурлаар Ерөнхий сайдад нэр дэвшүүлэх хүний талаар хэлэлцсэн байна. Энэ талаар УИХ дахь МАН-ын бүлгийн дарга Д.Тогтохсүрэн "Монгол Улсын 32 дахь Ерөнхий сайдад Л.Оюун-Эрдэнийн нэрийг намын дарга дэвшүүлсэн. Одоо МАН-ын Бага хурал цахимаар хуралдана. Бага хурлаас гаргасан шийдвэрийг Монгол Улсын Ерөнхийлөгчид танилцуулна. Удирдах зөвлөл 95 хувийн ирцтэй хуралдлаа. Ингээд Л.Оюун-Эрдэнийг дараагийн Ерөнхий сайдад нэр дэвшүүлэх асуудлыг 100 хувь дэмжсэн. МАН-д 2020 оны сонгуулиар иргэдэд амалсан амлалт бий.

Нэгдүгээрт, Монгол Улсад шударга ёс тогтоож, хариуцлагын тогтолцоог бий болгох. Хоёрдугаарт, байгалийн баялагийг тэгш хуваарилж, ард түмэнд хүртээмжтэй байлгах. Л.Оюун-Эрдэнийг Засгийн газрын одоо хэрэгжүүлж байгаа бодлогыг уламжлаад явчих боломжтой гэж үзсэн. Удирдах зөвлөлөөр хэлэлцсэн гол санал нь байгалийн баялагтай холбоотой асуудлыг яаралтай шийдвэрлэх хэрэгтэй гэсэн санал гарсан. Ялангуяа Оюутолгойн гэрээтэй холбоотой асуудлыг Засгийн газар хурдан шийдэх хэрэгтэй байгаа.

Засгийн газрын гишүүдийн томилгоонд хоёр зарчим бий. Нэгдүгээрт, УИХ-ын  гишүүн байх,. Хоёрдугаарт, мэргэжлийн байх. Засгийн газрын бүрэлдэхүүний хувьд их өөрчлөлт орохгүй байх гэж би бодож байна. Учир нь, сайд нар томилогдоод удаагүй, ажлаа хийгээд долоон сар л болж байгаа. Ийм үед бүтцэд өөрчлөлт оруулж, бужигнуулаад байх шаардлагагүй гэж харлаа" гэв.


Д.ТОГТОХСҮРЭН: Засгийн газрын бүрэлдэхүүнд өөрчлөлт орохгүй байх
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2021-01-22 18:53:03
    Н.ЛХАГВАДОЖ: СОНГОГДСОН EРӨНХИЙ САЙД НЬ ТАНХИМАА НАМЫН ДААЛГАВАРААР ХУУЧИН БҮТЦЭЭР НЬ ЗОХИОН БАЙГУУЛАХ ШИЙДТЭЙ БАЙГАА НЬ ХАРАМСАЛ ТӨРҮҮЛНЭ. БАХЬ БАЙДЛААРАА БАЙХ НЬ. А.АРИУНЗАЯА, Ч.ХҮРЭЛБААТАР МЭТИЙН СЭТГЭЛ, ЗҮРХЭЭРЭЭ АЖИЛЛАЖ ҮЛ ЧАДАХ НЬ ТОДОРХОЙ .
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188