Засгийн газар ээлжит бусаар хуралдаж, танхимаар огцрох санал гаргасан талаар бид мэдээлсэн. Тэгвэл энэ асуудлыг МАН-ын Удирдах зөвлөлийн хурлаар хэлэлцэж дэмжсэн байна. Ерөнхийн сайд У.Хүрэлсүх хуралдааны үеэр "Галын шугаманд ажиллаж байгаа хоёр сайдаа явуулснаас танхимаараа огцорсон нь дээр,  нөхдөө явуулчихаад сугарч үлдэхгүй" гэжээ. 

Өчигдөр Шадар сайд Я.Содбаатар, Эрүүл мэндийн сайд Т.Мөнхсайхан нар амаржсан эмэгтэйг тусгаарлах байр руу зөөвөрлөхдөө алдаа гарсан асуудалд хариуцлага хүлээж ажлаа өгөх хүсэлтээ Ерөнхий сайдад хүргүүлсэн билээ. Үүнтэй холбоотой Ерөнхий сайд танхимаараа огцрох саналыг Засгийн газрын хуралдаанд танилцуулж, сайд нар нь дэмжсэн байна.