УИХ-ын чуулганы өнөөдрийн хуралдаанаар Монгол Улсын шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийж байна. Хуулийн төсөлтэй холбоотой гишүүд асуулт асууж, хариулт авсан юм. 

УИХ-ЫН ГИШҮҮН Ж.ГАНБААТАР:  Энэ хуулийн зорилго, зорилтыг хуулийн төслөөс хараад шүүхийн тогтолцоо, шүүгчид тавих болзол, эрхзүйн байдал, шүүхийн хараат бус байдлыг хангах, холбогдох байгууллагуудын зохион байгуулалтын эрх зүйн байдлыг зохицуулна гэж ойлгож байгаа. Гэтэл хэлэлцүүлгийн томилгоо болон шүүгчийн цалин хөлсний асуудал танхимд хэт давамгай яригдаж байна. Энэ нь хуулийн зорилго зорилтыг нийгэмд буруу ойлгуулж байгаа юм. Уг нь шүүр гурав дахь засаглал, үүнийг хараат бус байхыг энэ хуулиар зааж өгч байгаа. Үүний талаар ШЕЗ, сахилгын хороо байгуулагдаж байгаа. Ядаж эцсийн хэлэлцүүлэг дээрээ үүнийгээ ярь. Ажлын хэсгээ эхлээд л цалингаа яриад байх юм. Хуулийн эцсийн хэлэлцүүлэг дээрээ хуулийнхаа гол зорилгоо яримаар байна.

УИХ-ЫН ДАРГА Г.ЗАНДАНШАТАР: Гишүүдийн асуулттай холбогдож, цалин хөлс яригдсан. Иргэд шудрага шүүхээр шүүлгэх, шүүх хараат бусаар ажиллахыг хангах талаар эхний хэлэлцүүлгээс эхлээд ярьж байгаа Ганбаатар гишүүн үүнийг ойлгоогүй байна” гэх тайлбар өгөв.