Засгийн газрын даваа гарагийн ээлжит бус хуралдаанаар нийслэлд тогтоосон хатуу хөл хориог энэ сарын 11-ны 06:00 цаг хүртэл дахин сунгах шийдвэр гарсан.

Тэгвэл хөл хориог сунгах эсэх асуудлаар УОК-ын шуурхай штаб өнөөдөр хуралдаж байгаа аж. Уг хурлаар хөл хориог хэсэгчлэн сулруулах талаар хэлэлцэж байгааг эх сурвалжууд мэдээллээ. 

УОК-ын шуурхай штабаас гаргасан саналыг УОК, Засгийн газрын хуралдаанаар эцэслэнэ. Эрүүл мэндийн яамнаас өнөөдөр 13 хүнээс нэмж халдвар илэрсэн гэдгийг мэдээлсэн. Түүнчлэн Баянгол дүүргийн V, VI хороонд тэг зогсолт хийж, иргэдийг шинжилгээнд хамруулж байгаа юм.