УИХ-ын чуулганы нэгдсэн хуралдаанаар Шүүхийн тухай багц хуулийн төсөлд Ажлын хэсэг, Байнгын хорооноос гаргасан зарчмын зөрүүтэй санал тус бүрээр санал хураалт явуулж байна. Санал хураалттай холбоотой гишүүд үг хэлж байгаа юм.

Энэ үеэр УИХ-ын дарга Ш.Занданшатар "Бид Шүүхийн тухай хууль хэлэлцэж байхад АНУ-д Цагаан ордон руугаа дайрч байна" хэмээлээ.

Хуулийн төслийг хэлэлцэх үеэр гишүүдийн дунд хамгийн их маргаан дагуулсан заалт  нь "25 жил ажилласан шүүгч тэтгэвэрт гарах эрхтэй. Жил бүр үндсэн цалинг хоёр хувиар нэмнэ. Шүүгчид тэтгэвэрт гарахад үндсэн цалингийн 80 хувьтай тэнцэх хэмжээний тэтгэвэр тогтоолгоно" зэрэг байв. Ингээд санал хураалт явуулахад УИХ-ын гишүүдийн олонх нь дээр танилцуулсан заалтуудыг дэмжсэнгүй.