Шүүхийн тухай хуулийн анхны хэлэлцүүлэг үргэлжилж байна. Энэ үеэр УИХ-ын гишүүн Ц.Туваан УИХ-ын гишүүн Г.Дамдиннямд анхааруулга өгөв.

Тэрбээр "АН бол шудрага ёсыг хамгийн их ярьдаг. Шударга ёсыг хэрэгжүүлэгч нь шүүх эрх мэдэл, шүүгч байдаг. Байнгын хорооны санал дүгнэлт дээр "Улс төрийн нам бүртгэл хөтлөх" гэсэн заалт орсон байна. Үүнийг тодорхой болгож өгөөрэй. Дамдинням гишүүн овоо босголоо. "Улсын дээд шүүхийн бүртгэлд хуульд байхгүй намын даргын гүйцэтгэгч гэсэн өөрчлөлт оруулсан" гэж ярьсан.  Овоо босгоогүй бол шаазгай суухгүй. Ардчилсан нам бүх асуудлаа тэвчээртэй харж байгаа. Дээд шүүхэд асуудлаа өгч, захиргааны хэргийн шийдвэрийг хүлээж байгаа шүү. Биднийг тэвчээртэй байхад хатгах хэрэггүй. Хэний хатгалгаар яваад байгааг чинь мэдэж байгаа шүү. Ардчилсан намын үнэт зүйл тамгандаа бус, үзэл баримтлал, гишүүд, ардчилалд хайртай ард түмний итгэлд байдаг юм шүү. Ерөнхий сайд сөрөг хүчиндээ хүндэтгэлтэй хандана гэсэн. Хүндэтгэлтэй хандахгүй байгаа. Ажлын хэсгийн ахлагч Ерөнхийлөгчийн Тамгын газрын дарга, хонгилчин болгоод байх юм. Жудагтай хандмаар байна. Хууль зөрчиж асуудал ярьж байгаа нөхөдтэй тэмцэнэ. Монголчууд дан олонхын талд ордоггүй, цөөнхийн талд ордог юм шүү" гэж сануулга өглөө.