УИХ-ын чуулганы нэгдсэн хуралдаанаар Шүүхийн тухай багц хуулийн төслийн анхны хэлэлцүүлэх үеэр УИХ-ЫН ГИШҮҮН Б.ПҮРЭВДОРЖ "2016 оноос хойш Ардчилсан нам арчаагүй байсныхаа төлөө МАН-д хэт олонхын саналаа алдсан. Үүнээс хойш МАН дураараа дургиж байна. Гүйцэтгэх засаглалаа 100 хувь хянаж, цагаан байранд бүх асуудал шийдэгдэж байна.

Шүүхийн тухай хуулиар ШЕЗ сахилгын зөвлөл хяналт тавих зарчмаар шүүхийн эрх мэдлийн цагаан байрандаа аваачиж байна. Орон нутгийн эрх мэдлийг ч тэд авсан. Хэвлэлийнхэн ч мөнгөтэй рүү нь явж байгаа. Социализм байгуулах үе рүүгээ очиж байгаа шүү. Ардчилсан намын цөөнхийн үг хүрэхгүй байна. Иргэд үүний эсрэг тэмцэх болсон" гэлээ.