Засгийн газрын хуралдаанаас гаргасан шийдвэр "Эрдэнэс Тавантолгой" ХК-ийн ногдол ашиг тараах асуудлын талаар ЗГХЭГ-ын дарга Д.Амарбаясгалан мэдээлэл хийлээ.

    Тэрбээр ""Эрдэнэс Тавантолгойн" ХК-ийн ногдол ашгийг 2022 онд тараах асуудлыг Засгийн газраас түр хойшлуулсан. Улмаар тус компанийн хувьцаа эзэмшигч нарыг шинээр бүртгэх тогтоолын төслийг 2023 онд Засгийн газар Их хуралд өргөн мэдүүлж, 2024 онд баталсан. Иймд Засгийн газрын хурлаар ногдол ашиг тараах асуудлыг дахин хэлэлцлээ. Энэ онд батлагдсан УИХ-ын тогтоолоор 893 мянган буюу 12 нас хүртлэх бүх хүүхэд 1072 хувьцаа эзэмших болсон юм. Ингэснээр хүн амын 90 гаруй хувь нь хувьцаа эзэмших боломжтой болсон. 2015 Ч.Сайханбилэгийн Засгийн газар "Сайн хувьцаа" гаргаж, зарим ахмад, оюутан, иргэд хувьцаагаа зарах боломж олгосон. Хувьцаагаа бүрэн болон хэсэгчлэн зарсан.

   Ингэснээр 90 хувь нь ногдол ашиг эзэмшиж байгаа юм. 2022 онд "Эрдэнэс Тавантолгой" ХК 1.3 их наядын ашигтай ажилласан. Нэгж хувьцаа 108 төгрөг татварын өмнөх дүнгээрээ 1072 хувьцаанд ногдох ашиг 116 мянган төгрөг болж байна. Хувьцаа авагч нь ХОААТ болон татвар төлж, 104000 төгрөг өнөөдөр иргэдийн дансанд орно. 2.5 сая иргэний хувьцаа өөрийн бүртгүүлсэн брокерийн компаниар дамжиж орно. Харин шинээр бүртгэсэн хүүхдүүдийн хувьцаа хүүхдийн мөнгөний дансаар орно. 2023 оны жилийн эцсийн тайлан хоёрдугаар сарын 10-нд эцэслэгдэнэ. Ингээд Үндэсний аудит  газраас аудит хийж гуравдугаар сарын сүүлч, дөрөвдүгээр сарын эхээр иргэдийн дансанд шууд орох юм.  2023 оны ногдол ашиг 3.2 их наяд түүнээс иргэдэд ногдох ашиг нь 864 тэрбум төгрөг байна. Нэгж хувьцаа нь 267 төгрөг буюу 1072 хувьцаанд 257.000  төгрөг олгох юм. Ингэснээр 2022, 2023 оны ногдол ашиг болох 361 мянган төгрөгийг иргэдэд олгох боломжтой болж байна" гэлээ.