Засгийн газрын хуралдаанаас гаргасан шийдвэрийн талаар Монгол Улсын Ерөнхий сайд Л.Оюун-Эрдэнэ мэдээлэл хийлээ. Үндэсний баялагийн сангийн хуульд  өөрчлөлт оруулж хамтран ажиллах санамж бичигт Ерөнхий сайд Л.Оюун-Эрдэнэ, АН-ын дарга Л.Гантөмөр, ХҮН намын дарга Х.Доржханд нар гарын үсэг зурлаа. 

Ерөнхий сайд Л.Оюун-Эрдэнэ "Засгийн газрын өнөөдрийг хүртлэх реформ, авлигын эсрэг тэмцэх тэмцэлд туушдаа байсан та бүхэнд талархал илэрхийлье. Өнөөдрийн Засгийн газрын хуралдаанаар Үндсэн хуулийн 6.2 заасан  Байгалийн баялгийг ашиглах төрийн бодлого нь урт хугацааны хөгжлийн бодлогод тулгуурлаж, одоо ба ирээдүй үеийн иргэн бүрд эрүүл, аюулгүй орчинд амьдрах эрхийг нь баталгаажуулах, газрын хэвлийн баялгийн үр өгөөжийг Үндэсний баялгийн санд төвлөрүүлж тэгш, шударга хүртээхэд чиглэнэ гэж заасны дагуу Үндэсний баялагийн сангийн тухай хуулийг хэлэлцүүлж, парламентад суудалтай намуудтай тохиролцон Их хуралд өргөн барихаар боллоо. Энэ хуулийн төсөл 4-5 төсөл салангид яригдаж ирсэн. Өнөөдөр энэ төсөл зарчмын хувьд нэгдэж байна.

Олон жил мэтгэлцсэн ч бодит шийдэл болж чадахгүй байгалийн баялгийн өгөөж иргэн бүрд шууд хүртээмжтэй байх, иргэдийн нэрийн дансанд хуримтлал үүсгэх, төсвийн давсан орлогыг нэгтгэн хуваахгүй томоохон төсөл хөтөлбөрүүдэд шууд хөрөгнө оруулалт хийх,  Монгол Улсын Ерөнхийлөгчийн дэвшүүлсэн баялагтаа эзэн байх асуудалд санал нэгдэж, үзэл баритлалаар хуулийн төслүүд өргөн барьж, төслүүдээ нэгтгэхийг зөвшөөрч зөвшилцлөө. Иймд АН, тус намын дарга Л.Гантөмөр, ХҮН, болон тус намын дарга Х.Доржханд нарт Засгийн газраа талархаж байгаагаа илэрхийлье

АН, МАН, ХҮН нэгдснээр Үндсэн хуульд өөрчлөлт оруулж, 126 гишүүнтэй байх, холимог тогтолцоог хийж, 1*1 хүйсийн тэгш харилцаатай байх өөрчлөлтийг хийсэн. Маргааш бүсчилсэн хөгжлийн үзэл баримтлалыг амилуулж, томсгосон тойрог руу хамтдаа орох эдийн засгийн реформ хийх гэж байна. Хэрвээ бид зөвшилцөж чадвал шийдэл олж чадна. Эдийн засаг ч гэсэн хоёр дахин өссөн. Өнөөдөр бид олон жил ярьсан баялагийн суурь реформ хийх улс төрийн зөвшилцөлд хүрч чадлаа. Бид авлигатай нам харгалзалгүй тэмцэж чадаагүй бол өнөөдрийн үр дүнд хүрэх боломжгүй байв. Үндэсний баялагийн сангийн хууль нв Тогтворжуулалтын сан Хөгжлийн сан, Хуримтлалын нэгдсэн сан гэсэн том сангуудаас бүрдэнэ. Энэ нь сангийн хөрөнгийг аривжуулах,  Норвеги Улсын жишгээр хуулийн төслийг боловсруулсан. Эрдэнэс Монголын харъяа стратегийн орд болох 34 хувь буюу тодотговол "Эрдэнэт үйлдвэр", "Эрдэнэс Оюутолгой" зэрэг стратегийн ордуудын 34 хувь нь хуримтлалын нэгдсэн санд шууд төвлөрнө. Ингэснээр иргэдийн орон сууц, эрүүл мэнд, боловсролд зарцуулагдана. Өнгөрсөн хугацаанд олгосон ашигт малтмалын лицензэд сонсгол явуулна.

Мөн өнөөдрийн хуралдаанаар 2012 оны дөрөвдүгээр сарын 11-нээс хойш төрсөн иргэдэд 1072 хувьцааг эзэмшүүлэх шийдвэр гаргалаа. Ингэснээр Монгол  Улсын 3.4 сая иргэн Эрдэнэс Таван толгой хувьцааг эзэмшиж байгаа юм. Тус компани 2022 оны жилийн эцэст 1.3 их наядын ашигтай ажилласан. 2023 онд 2.1 их наядын ашигтай ажиллах урьдчилсан дүгнэлт гарч байна. Ингэснээр 1072 хувьцаа амилж байна. Тус компани хуулийн дагуу ногдол ашиг тараах үүрэгтэй. Үүний дагуу 2022 ногдол ашиг иргэн бүрд 116 мянган төгрөг шилжих боломж бүрдсэн. 2023 оны ашиг 186 мянган төгрөг урьдчилсан төсөөлөл гарсан. Мөн санхүүгийн аудит орж, Баялагийн сангийн хууль батлагдснаар хэрэгжинэ" гэлээ