УИХ-ын ээлжит бус чуулганыг хоёрдугаар сарын 5-нд хуралдуулахаар болжээ. Хуралдаанаар Үндэсний баялгийн сангийн тухай хуульд өөрчлөлт оруулж, иргэдэд "Эрдэнэс Тавантолгой" ХК-ийн 1072 хувьцааны ногдол ашгийг тараах асуудлыг хэлэлцүүлэх юм байна. 

Мөн нийслэлийн газар олголтын асуудлаар Түр хороо байгуулах саналыг Засгийн газраас УИХ-д хүргүүлэхээр болоод байна. Энэ талаар Хууль зүй, дотоод хэргийн сайд Б.Энхбаяр э"Нийслэл хот маань дарьтай хот болж хувирсан байна. Энэ бүхний уг үндэс нь сүүлийн 20 жилийн газрын авлигын асуудал. Үүнээс болж өнөөдрийн Улаанбаатарыг хэн ч удирдаад асуудлыг шийдэх боломжгүй түвшинд тулсан байна. Тиймээс газар олголт, нийтийн тээвэртэй холбоотой асуудлыг зөвхөн Засгийн газрын хүрээнд биш УИХ-ын түвшинд хянан шалгаж, иргэд олон нийтийг мэдээллээр хангах нотлох баримтыг шинжлэн судлах сонсгол зохион байгуулж, Түр хороо байгуулж, миний бие ахалж ажиллах үүрэг чиглэл авлаа. Ээлжит бус чуулганаар Түр хороог байгуулах асуудал яригдах байх" гэсэн юм.