Монгол Улсын Ерөнхийлөгч Ухнаагийн Хүрэлсүх ирэх хаврын чуулганаар УИХ-д хуулийн төсөл өргөн мэдүүлэхээр болжээ. Тодруулбал, тэрбээр албан үүргээ гүйцэтгэж яваад амь эрсэдсэн онцгой байдал, цагдаа, дотоодын цэрэг, хилийн цэргийн алба хаагчдын ар гэрт хамгийн бага хүүхдийг нь 18 нас хүртэл тухайн алба хаагчийн үндсэн цалинг нь олгож, гэр бүлд нь гурван өрөө байр өгдөг байх хуулийн төсөл санаачлан УИХ-ын хаврын чуулганд өргөн барихаар боллоо.

Сануулахад өнгөрсөн лхагва гарагт БЗД-ийн 26 дугаар хорооны нутаг дэвсгэрт хийн түлш тээвэрлэж явсан автомашин дэлбэрч улмаар онцгой байдлын гурван алба хаагч дэлбэрэлтэд өртөж амиа алдсан харамсалтай хэрэг гарсан. Улмаар гурван алба хаагчийг өнөөдөр эцсийн замд нь үдсэн юм.