Засгийн газрын өнөөдрийн хуралдаанаас гаргасан шийдвэрийг танилцууллаа.

           Энэ үеэр Хууль зүй, дотоод хэргийн сайд Б.Энхбаяр "Ирэх долоо хоногоос эхлээд тэг зогсолт руу орно. Улаанбаатар хотод  хороолол, барилга, үйлчилгээний төвүүд хоорондоо ойрхон зайтай  шахаж, тулж баригдсан. Үүнийг шийдэхтэй холбоотой тойрог замын асуудал яригдаж байна. Нийслэл хот маань дарьтай хот болж хувирсан байна. Энэ бүхний уг үндэс нь сүүлийн 20 жилийн газрын авлигын асуудал. Үүнээс болж өнөөдрийн Улаанбаатар хот хэн ч гарч ирээд асуудлыг шийдэх боломжгүй түвшинд тулсан байна. Тиймээс газар олголт, нийтийн тээвэртэй холбоотой асуудлыг  зөвхөн Засгийн газрын хүрээнд биш УИХ-ын түвшинд хянан шалгаж, иргэд олон нийтийг мэдээллээр хангах нотлох баримтыг шинжлэн судлах сонсгол зохион байгуулж, Түр хороо байгуулж, миний бие ахалж ажиллах үүрэг чиглэл авлаа. Ээлжит бус чуулганаар Түр хороог байгуулах асуудал яригдах байх" гэв.