Засгийн газрын өнөөдрийн хуралдаанаас гаргасан шийдвэрийг танилцууллаа.

            Энэ үеэр Онцгой байдлын газрын дарга Г.Ариунбуян "Тээвэрлэлтийн үеийн аюултай химийн хорт бодис юм уу шатах материал тээвэрлэж байгаа машины стандартын хувьд одоогоор хариулах боломжгүй байна. Уул уурхайн яамны бүтцэд байгаа мэргэжлийн хяналтын байгууллага стандартын хэрэгжилтэд хяналт тавьж ажилладаг. Галд өртсөн "Эдү апарт” орон сууцны 63 айлын 198 оршин суугч бий. Эдгээрээс хэвийн амьдралын горимд шилжүүлэхтэй холбоотой гарах зардал буюу засвар тохижилтыг Нийслэлийн Засаг даргын тамгын газраас шийдвэрлэнэ. Байрыг нь засаж байх хооронд иргэдийг түр түрээсийн байранд шилжүүлэхтэй холбоотой ойролцоогоор 1.4 тэрбум төгрөгийн зардал Засгийн газрын нөөцөөс гаргаж байгаа. "Дашваанжил" ХХК-ийн хуулийн этгээдийн эзэмшилд байгаа автомашин хөдөлгөөнд орох явцдаа  эрсдэл учирсан байж болзошгүй гэдэгт хууль хяналтын байгууллага ажиллаж байна. Энэ мөрдөн шалгах ажиллагааны дараа тухайн этгээдээр шатсан тээврийн хэрэгслийг төлүүлэх асуудал тодорхой болно. Хамгийн гол нь энэ автомашин нийслэлийн иргэдийн хурлын тогтоолоор баталсан дүрмийг зөрчиж зөвшөөрөлгүйгээр хөдөлгөөнд оролцож байсан гэдэг асуудал яригдсан" гэв.