УОК-оос мэдээлэл хийлээ. Шадар сайд С.Амарсайхан "УОК-ийн даргын хувьд газар дээр нь ажиллаж, шаардлагатай арга хэмжээг авсан. Мөн Ерөнхийлөгч, Ерөнхий сайд, УИХ-ын дарга, ҮАБЗ-д мэдээлэл тогтмол өгч ажиллалаа. Албан үүргээ гүйцэтгэж яваад амь эрсдсэн онцгой байдлын алба хаагч нартаа эмгэнэл илэрхийлье. Онцгой байдлын ерөнхий газрын дарга Б.Ариунбуянаар удирдуулсан Ажлын хэсэг гаргаж, амь эрсдсэн алба хаагчдын ар гэрийнхэнтэй уулзаж байна. Хоёрдугаарт, эмнэлэгийн тусламж үйлчилгээ авч буй иргэдийн амь насыг хамгаалах, эмнэлэгийн байгууллагын дэмжлэг үзүүлэх ажилд Эрүүл мэндийн сайд С.Чинзоригоор гаргуулсан ажлын хэсэг гаргасан. Гуравдугаарт, УОК-оос улсын хэмжээнд шатах тосох материал, хий түлшний чиглэлээр үйл ажиллагаа явуулдаг аж ахуйн нэгжүүдийг шалгах ажлын хэсэг байгуулж байна. Хүн ам олноор суурьшлдаг газарт үйл ажиллагаа явуулж байгаа энэ газрууд стандартыг барих шаардлагатай. Стандартаа мөрдөөгүй бол нүүлгэн шилжүүлэх арга хэмжээ авна. 

Тухайн ослын үед 60 айлын орон сууц галд өртөж, ойр орчмын автомашин шатсан.Өвлийн хүйтэнд иргэд орон байрандаа орох боломжгүй байна. Буруутай этгээдийг тогтоож хариуцлага тооцно гэхэд багагүй хугацаа шаардана. Тиймээс энэ айлуудын орон сууцыг засах ажлыг яаравчлах үүргийн Нийслэлийн Засаг даргын орлогч П.Сайнзоригоор ахлуулсан ажлыг байгуулаад байна. Энэ хугацаанд айл өрхүүдийг нөхцөл байдлыг ньт дордуулахгүй байр орон сууцаар хангах, түрээсийг нь төлөх шийдвэр Засгийн газрын хуралдаанаар шийдвэрлэлээ. Цаашид хуулийн хүрээнд үйл ажиллагаа явуулна. Хэрэв энэ байрыг цаашид ашиглалтад оруулах боломжтой гэж үзвэл шаардлагатай арга хэмжээг авна" гэлээ.