Баянзүрх дүүргийн 26 дугаар хорооны нутаг дэвсгэрт буюу Дүнжингарав худалдааны төвийн уулзварт 60 тонн газ тээвэрлэж явсан автомашин зам тээврийн ослын улмаас дэлбэрсэн дуудлага 01:07 цагт Онцгой байдлын Ерөнхий газар иржээ.  Албан бус эх сурвалжийн мэдээллээр их хэмжээний газ тээвэрлэж явсан автомашин олон удаа дэлбэрч, ойр орчмын байр, машинууд шатаж, иргэд байрнаасаа нүүж байна гэх мэдээлэл бий. Мөн Дүнжингарав худалдааны төв болон Глобал сургууль шатаж байгаа аж. Тус дуудлагын дагуу Онцгой байдлын Ерөнхий газрын Гал түймэр унтраах, аврах 10, 14, 18, 26, 35, 63 дугаар ангийн алба хаагчид үүрэг гүйцэтгэн ажиллаж байна.