Шадар сайд С.Амарсайхан  цаг үеийн асуудлаар мэдээлэл өглөө.

              Тэрбээр “Засгийн газрын зүгээс арванхоёрдугаар сараас харгалзах арга хэмжээг авч ажиллаж байна. Ингэхдээ өвс, тэжээлийг үйлдвэрийн үнээр малчдад нийлүүлэх, хүргэж өгөхийг зорьж байгаа. Ингэхдээ орон нутгийн удирдлагууд малчдаасаа захиалгаа аваад, УОК-д захиалга өгнө.  УОК-ийн шуурхай штаб 24 цагаар өндөржүүлсэн байдлаар ажиллаж байгаа.

           Мөн малчдын махны нөөц нэлээд хуримтлагдсан байна. Өнгөрсөн сарын байдлаар 49 мянга 500 тонн махыг нөөцөлсөн. Малчид үнэ хямд байна, борлуулалт муу байна.  Тиймээс эдийн засгийн эргэлтэд махаа оруулах шаардлагатай байна гэх саналыг хэлж байгаа.  Бид ХХАХҮЯ-тай хамтран мал, махны чиглэлээр үйл ажиллагаа явуулдаг аж ахуй нэгжүүдэд хөнгөлттэй зээл олгоно. Өмнө нь зөвхөн гараас гарт худалдаа хийдэг байсан бол одоо биржээр худалдаа хийдэг боломж бүрдлээ. Нэгдүгээр сарын 18-ны өдрөөс зохион байгуулалтаа хийж эхэлсэн. Одоогийн байдлаар 350 сая төгрөг орчим  мах худалдсан байна. Цаашдаа арьс, шир, түүхий эд, өвс тэжээлээ биржээр худалдаалж эхэлнэ” гэлээ.