Хурдан морины уралдааныг нэмэх хэмийн дулаантай өдөр зохион байгуулах тухай хуулийн төсөл өргөн барина

2024-01-22, 654

Улсын Их Хурлын гишүүн Н.Ганибал, Ц.Туваан нар Үндэсний их баяр наадмын тухай хуульд нэмэлт, өөрчлөлт оруулах тухай хуулийн төслийг өргөн барихаа мэдэгдлээ.

Монголын ард түмний уламжлалт хурдан морины уралдааны онцлог, унаач хүүхдийн эрхийн асуудлаас шалтгаалан Засгийн газрын шийдвэрээр хаврын морин уралдааныг жил бүрийн арваннэгдүгээр сарын 1-ний өдрөөс тавдугаар сарын 1-ний өдрийг хүртэлх хугацаанд бүрэн хориглосон. Ингэснээр хавар цагт морь уяж сойх, уралдуулах өв соёл бүрэн орхигдож, мартагдах нөхцөлд хүрч мэдэхээр болсон. Энэхүү шийдвэр нь унаач хүүхдийг хамгаалах үндсэн зорилго, чиглэлийн хүрээнд гарсан гэж үзэж болох боловч бодит байдал дээр хэрэгжихдээ зорилтот үр дүндээ хүрэхгүй байна. Үүнийг хаврын цагт морин уралдааныг далд хэлбэрээр, ямар нэгэн хяналтгүй зохион байгуулах явдал ихээр гарч байгаагаас харж болно. Хяналт, хариуцлагагүй, далд хэлбэрээр зохион байгуулагдаж байгаа морин уралдаан нь унаач хүүхдүүдэд илүү их эрсдэл үүсгэж байна хэмээн гишүүд тайлбарлалаа.

Хуулийн төсөлд үндэсний хурдан морины уралдааныг нэмэх хэмийн дулаантай өдөр зохион байгуулах, Үндэсний их баяр наадам болон Засгийн газрын шийдвэрээр зохион байгуулах шигшмэл, бүсийн үндэсний хурдан морины уралдаанаас бусад морин уралдааныг хурдан морины чиглэлээр үйл ажиллагаа явуулдаг мэргэжлийн холбоо төрөлжсөн болон сонгомол насны ангиллаар хууль тогтоомжид нийцүүлэн зохион байгуулж болох, Засаг дарга, хүүхэд, гэр бүлийн хөгжлийн асуудал эрхэлсэн төрийн захиргааны төв байгууллага болон холбогдох бусад төрийн байгууллагуудын хяналт, бүртгэл дор Засгийн газраас баталсан журмын дагуу зохион байгуулах, Үндэсний их баяр наадмын тухай хуулийн 13 дугаар зүйлийн 13.1 дэх хэсэгт заасан стандартыг нэгэн адил мөрдүүлэх гэсэн нэмэлт өөрчлөлтийг оруулахаар тусгажээ.

Энэхүү хуулийн төсөл батлагдсанаар морин уралдаан зохион байгуулагчдын нэгдмэл хариуцлагын тогтолцоо, уралдаанд тавигдах нэгдмэл стандартыг дагах боломж бүрдэн төрийн зүгээс тавих хяналт сайжирч, хурдан морины уралдааны явцад хүүхдийн эрх зөрчигдөх явдал багасах юм. Улмаар өв соёл, уламжлалаа хамгаалах, хөгжүүлэх, суралцах боломжийг бүрдүүлнэ гэж үзэж байна.

Хурдан морины уралдааныг нэмэх хэмийн дулаантай өдөр зохион байгуулах тухай хуулийн төсөл өргөн барина

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6

Сэтгэгдэл үлдээсэн: 2024-01-24 10:17:02

чимэг: сүхбаатрыхан энэ дэнэгээ аваарай.
Сэтгэгдэл үлдээсэн: 2024-01-23 11:47:04

Бороо: Хийх ажил олддоггүй юм байх даа. Хавар морь уралдуулах өв соёл ч гэх шиг, мэдэхгүй л юм байна. Хаврын уралдаан гэдэг саяхнаас л шинэ баячуудын гаргаж ирсэн зугаа болохоос өв соёлсоод байх юм үгүй л байх шүү.
Сэтгэгдэл үлдээсэн: 2024-01-23 08:13:16

б: ГҮН ГҮНЗГИЙ УЛС ОРОНД ХЭРЭГТЭЙ ХУУЛЬ САНААЧЛАХАД ДДАНЧ ТОЛГОЙ НЬ ХҮРЭХГҮЙ ЮМ ДАА... ТУЛГА ТОЙРСОН ЮМ ЯРИАД ХУУЛИА ХАТДАА ХӨӨРХИЙ ЭНЭ ХҮН
Сэтгэгдэл үлдээсэн: 2024-01-22 23:52:20

Зооибии: Улс оронд хэрэгтэй хууль санаачлаач малнуудаа
Сэтгэгдэл үлдээсэн: 2024-01-22 18:43:34

.: Ajilgui.
Сэтгэгдэл үлдээсэн: 2024-01-22 17:46:24

Ddavaa: Nemeh hemees gadna Tsendee burhuultei gazar orond gej zaaval tusgaar heregtei dee

Шинэ мэдээ

Нийтлэлчид