УИХ-ын нэгдсэн чуулган хуралдаж байна. Энэ үеэр Ж.Батсуурь гишүүний асуултад "Эрдэнэс Тавантолгой" ХК-ийн БЭТ Ж.Ганбат хариуллаа.  

                Тэрбээр “ “Эрдэнэс Тавантолгой” ХК 2011 оноос үйл ажиллагаагаа эхэлж, экспорт хийж эхэлсэн байдаг.  2011 онд 5.2 тэрбум, 2012 онд 14 тэрбум ашигтай ажиллаж байгаад 2013-2016 оны хооронд алдагдалтай ажилласан. Харин 2017 онд 461 тэрбум, 2018 онд 807.6 тэрбум, 2019 онд нэг их наяд 35.6 тэрбум төгрөгийн ашиг олсон. Мөн ковидын үед буюу 2020 онд 149 тэрбум, 2021 онд 110.8 тэрбум, 2022 оны жилийн эцсийн байдлаар 1.3 их наяд төгрөгийн ашиг олсон байна.  Ингээд харахад өнгөрсөн хугацаанд нийт 6.6 их наяд төгрөгийн ашигтай ажилласан.  Зөвхөн 2023 онд гурван их наяд төгрөгийн ашигтай байна” гэлээ.