УИХ-ын нэгдсэн чуулган хуралдаж байна. Энэ үеэр  Ж.Батсуурь гишүүний асуултад Ажлын хэсгийг төлөөлж Б.Баттөмөр гишүүн хариуллаа.  

                Тэрбээр “Ковид-19 гэж цар тахал дэлхийн нийтийн хил хаалттай байсан. Үүнээс үүдэн хилээр гарч буй нүүрсний хэмжээ багассан. Үндсэндээ 2023 оноос хэвийн болж, БНХАУ-ын зах зээлд нүүрс эрэлттэй болсон. Бид Уул, уурхайн биржийн тухай хуулийг баталсан. Ингэснээр нүүрсээ биржээр ашигтай борлуулж чадлаа. 2012 оноос хойш л 1072 хувьцаатай хоёр сая 500 мянга хүн бий. Түүнээс хойш төрсөн хүүхдүүд хувьцаа авч чаддаггүй. Энэ тогтоолын зорилго нь бүх иргэнд жигд хувьцаатай болгох явдал юм” гэлээ.