УИХ-ын чуулганы нэгдсэн хуралдаанаар хэлэлцэх асуудлын дараалалтай холбоотой гишүүд үг хэлж байна.

УИХ-ын гишүүн Ш.Адьшаа: УИХ-ын чуулганы хуралдаанаар Засгийн газраа оруулж ирсэн Засгийн газраас өргөн мэдүүлсэн Эрдэнэс Тавантолгой ХК-ийн 1072 хувьцаатай холбоотой асуудлыг хэлэлцэх гэж байна. Би 1072 хувьцааны ногдол ашиг олгох талаар УИХ-д хуулийн төсөл өргөн мэдүүлээд удаж байна. Гэтэл сөрөг хүчний гишүүнээс өргөн мэдүүлсэн хуулийн төслийг хэлэлцүүлэхгүй байна. Засгийн газрын хуулийн төслийг гэрлийн хурдаар батлаад гишүүний өргөн барьсан хуулийг яагаад хэлэлцүүлдэггүй юм бэ. Мөн хоёр сая гаруй иргэнийг өмч хөрөнгөтэй байхыг эсэргүүцдэг гишүүн байхгүй байх гэж бодож байгаа шүү. 1072 хувьцааны ногдол ашиг олгох асуудлыг хэлэлцүүлмээр байна.