УИХын чуулганы хуралдаан эхэллээ. Хуралдаанаар хэлэлцэх асуудлын дараалалтай холбоотой УИХ-ын гишүүд үг хэлж байна.

УИХ-ын гишүүн Ш.Адьшаа: Төрийн байгуулалтын байнгын хороогоор бүсчилсэн хөгжил түүн дотроо төрийн байгууллагуудыг орон нутагт шилжүүлэх тогтоолын төслийг хэлэлцүүлсэн. Засгийн газар, эрх баригчидын зарим асуудал хэрээс хэтэрлээ. Бүсчилсэн хөгжил нэрээр төрийн байгууллагуудыг орон нутагт шилжүүлэх нь цаг үеэ олсон асуудал биш. УИХ ажил хийсэн нэртэй, Засгийн газар бодлого боловсруулсан нэр зүүх юм уу. Өнөөдөр орон нутаг руу яам, тамгын газрыг нүүлгэх нь байтугай Яармагт очсон БОАЖ-ын яаманд очих гэж юу болж байна. Цаг үеэ олсон ард түмний амьдралтай холбоотой асуудлыг оруулж ирмээр байна. Нүүрсний хулгайн асуудлаа Их хуралд оруулж ирж хэлэлцүүлнэ. Яам, тамгын газрыг нүүлгэх үлгэр яриад цаг нөхцөөгөөд байж болмооргүй байна. Халзанбүрэгдэйн асуудлыг яагаад Их хурлаар оруулж ирдэггүй юм. Бид сонгуулийн цикль эхэлсэн үед иргэдийг хуурах асуудлыг ярьмааргүй байна. Бүсчилсэн хөгжил хэрэгтэй ч судалгаа тооцоогүй ийм юм оруулж ирмээргүй байна шүү.