Улсын Их Хурлын чуулганы нэгдсэн хуралдаан үргэлжилж байна.  Энэ үеэр Төмөр замын тээврийн тухай хуулийн талаар хэлэлцэж байна. Үүнтэй холбоотойгооор УИХ-ын гишүүн Г.Дамдинням Зам, тээврийн сайд С.Бямбацогтоос асуулт асуулаа. Тэрбээр “Төмөр замын агентлаг байгуулах юм бол эдийн засаг хэрхэн өсөх вэ. Ковидын үед гарсан будлиан их бий. Төмөр замд  ажиллаж байсан залуугийн гэрээс есөн тэрбум төгрөг илэрч байх жишээтэй. Хоёрдугаарт, Дарханы төмөр замчид болон туслах машинчдын хөдөлмөрийн аюулгүй байдлын үнэлгээг хэрхэн хийх юм бэ. Хөдөлмөрийн аюулгүй байдлын зөвлөл дээр анхаарах хэрэгтэй байна. Үүнд хэрхэн анхаарах вэ” гэв.

    Үүнд Зам, тээврийн хөгжлийн сайд С.Бямбацогт “Тээврийн салбар өнгөрсөн жил хамгийн өндөр өсөлттэй ажилласан. Улаанбаатар төмөр зам 35 сая тонн ачаа тээвэрлэсэн. Үүний хэрээр ажилчдын орлого нэмэгдэж байгаа. Цаашид хэл ам гарахгүй тал дээр анхаарч ажиллаж байгаа. Хоёрдугаарт,  төмөр замчид онцгой нөхцөлд ажилладаг. Хөдөлмөрийн нөхцөлийг хүнд, хортой нөхцөлд хамруулахаар ажиллаж байгаа. Төмөр замчдын цалинг 20 хувиар нэмсэн. Өнгөрсөн жил 70 тэрбум төгрөгийн ашигтай ажиллаж байгаа” гэв.