Төсвийн байнгын хороо хуралдаж байна. Хуралдаанаар Төсвийн тогтвортой байдлын зөвлөлийн гишүүнд нэр дэвшигчтэй хийсэн нэр дэвшигчийн сонсголын тайлан хэлэлцэх асуудлыг хэлэлцүүлж байна. Төсвийн тогтвортой байдлын зөвлөлийн гишүүнд эдийн засагч Н.Энхбаяр, Ж.Дэлгэрсайхан нар дэвшиж байна. Нэр дэвшигчтэй холбоотой гишүүд асуулт асууж, хариулт авч байна.

      УИХ-ын гишүүн Ц.Сандаг-Очир: Төсвийн тогтвортой байдлын зөвлөлийн гишүүнд нэр дэвшсэнд талархаж байна. Та өнгөрсөн 33 жилийн Монгол Улсын төсөв санхүүг хэрхэн харж байгаа вэ. Төсьийн тогтвортой байдлын тухай хуульд ямар асуудал байна. Манайх яагаад ганцхан уул уурхайгаас хамааралтай, 33 тэрбум ам.долларын өрд орчихсон юм бэ. Төсвийн тогтвортой байдлын зөвлөл нэр төдий байсан. Улс орны эдийн засгийг бид яаж богино хугацаанд өөд нь татах вэ.

     Эдийн засагч Н.Энхбаяр: Улс орны хөгжлийн бодлогод дүгнэлт өгнө гэдэг амаргүй. Өнгөрсөн оны аравдугаар сард Төсвийн байнгын хорооны гишүүд Монгол Улсын сүүлийн 15 жилийн төсвийн бодлого төлөвлөлтөд санал дүгнэлт гаргах ажлын хэсэг гаргаж, дүгнэлт хийсэн байна. Монгол Улс 1990 оноос шилжилтийн эдийн засагт шилжсэн. Өөр бүтэцтэй эдийн засгаас шилжсэн учраас бэрэхшээл болж эхэлсэн. Монгол Улсын эдийн засагт 199 0-ээд оны сүүлчээр хөдөө аж ахуйн салбар 18-19 хувь, уул уурхай 10 хүрэхгүй хувьтай байсан. Ингээд 2000 оны эхнээс уул уурхайн бүтэгдэхүүний үнэ өсөж, эдийн засагт том өөрчлөлт гарсан. 2023 оны оны эдийн засгийн үзүүлэлтээс харахад нийт экспортын орлого 15.2 тэрбум ам.доллар түүний 57 хувийг нүүр дангаараа эзэлж байна. Нүүрс, зэс хоёр экспортын 80 хувийг эзэлж байна.