УИХ-ын гишүүн Н.Алтанхуяг цаг үеийн асуудлаар мэдээлэл хийлээ. Тэрбээр "Томсгосон тойргийн нэг ач холбогдол нь намуудын өрсөлдөөн байдаг. Гэтэл олон нам байхаа болилоо. Тэгэхээр хоёр намын өрсөлдөөн болох нь. Би намаасаа нэр дэвшинэ. Уг нь энэ намыг үүсгэн байгуулсан хүмүүсийг нэг нь би.Гэтэл 2020 онд намайг намаас хасчихсан. Тиймээс бие даан нэр дэвшсэн.

   Би Ардчилсан намын удирдлага биш учраас намын асуудлыг ярих эрхгүй. Гишүүний хувиар байр сууриа илэрхийлдэг. Манай нам жаахан унхайгүй л байна. Нэгэнт МАН бүсчилсэн тойргийг өргөн барьчихсан байхад Ардчилсан нам хамт цаас барьж зогсох ямар ч шаардлага байгаагүй. 62 гишүүнтэй нам энэ хуулийг яаж бол яаж батална. Гэтэл өөрсдөө очоод хам хэрэгтэн болох шаардлагагүй байсан. Одоо нийгмийн асуудал хүндхэн байна. 1990-ээд онд намайг Их сургуулийн багш байхад нийгэм нэг иймэрхүү байсан. Гэхдээ тухайн үеийн МАН-ын удирдлагууд ардчилсан үзэл санааг нухчин дараагүй юм шүү" гэлээ. Мөн энэ үеэр сэтгүүлчдийн асуултад хариуллаа.

-Орхон аймгаас сонгогдсон гишүүний хувьд та дөрвөн жилийн хугацаанд юу хийж амжуулсан бэ. "Эрдэнэт үйлдвэр"-ийн цагаан тоосны асуудал иргэдийн хувьд хүндрэлтэй болж байна. Энэ талаар ямар арга хэмжээ авч ажилласан бэ?

-Намайг Орхон аймгийнхан сайн дэмжиж УИХ-ын гишүүн болгосон. Би Монгол Улсын иргэдийн төлөө ажиллаж байгаа. Манай улсад ямар ч асуудал шийдэгдэхгүй байна. Би Ерөнхий сайд байсны хувьд эрх баригч намтай гурван зүйл дээр хамтарч ажиллах талаар ярьсан. Нэгдүгээрт, байгалийн баялагтаа эзэн болох. Эрдэнэтийн хүдрийн баяжмал буюу овоолгын ашгийг гурав хуваах санаачлага гаргасан. УИХ дээр үүнийг санаачилсан ч унагаасан. Их хурал дээр унасан болгохоос ард түмний дунд энэ унаагүй. Эрдэнэт үйлдвэрээс 100 сая ам.долларын ашиг гардаг. Үүнийг хэдхэн хүн хувааж байна. 

-Таныг Ерөнхий сайд байхад "Зэс Эрдэнийн хувь" компаниас Эрдэнэтийн иргэд тэр чигтээ хувьцаа авч байсан. Энэ асуудал юу болсон. Энэ компани хувьцаагаа зарж 600 тэрбум төгрөгийн ашиг олж байсан ч хэрэгцээгүй цаас болсон гэдэг?

 -Тухайн үед Эрдэнэтэд "Эрднийн", "Ачит-Ихт"  гэдэг хоёр үйлдвэр ажиллаж эхэлсэн. Ерөнхий сайд байхад хэсэг иргэд манай аймагт 20 мянган хүн  байдаг. Зэсийн хүдэр дээр хоёр үйлдвэр байгуулаад хэдэн хүн идэж байхаар хоёр овоолго аваад иргэд бүгдээрээ хүртэе гэж үзэл бодлоо илэрхийлж байсан юм. Тухайн үед би эрхлэх асуудлынх нь хүрээд Даваацэрэн даргад нь бичиг хүртэл хийж өгсөн. Ингээд "Зэс Эрдэнийн хувь" компанийг байгуулж байсан юм. "Эрдэнэт үйлдвэр" 34 хувиа ашиглалтад орохоор буцааж авна гэж хэлсэн юм. 

-Таныг Ардчилсан намын дарга болно гэх яриа бий. Намаа удирдах уу?

-Надтай ярихгүй намайг дарга болгоод байна. Надад Ардчилсан нам ч жижиг харагдаж байна. 1990 онд бий болгосон ардчилсан эрх чөлөөнүүд алга болж байна. Шинэ залуу үе үүнийг анзаарахгүй байна. Ардчилсан намын тухай биш 1990 оны хувьсгалаар олж авсан ардчилал хайчсан бэ. Энэ бол цөөн дарга нарын өмч болж хувирсан байна. Өнөөдөр төрийн өмчит компаниуд нь дарга нарын хувааж иддэг компани болсон байна. Сая УИХ-аар болсон нүүрсний, Хөгжлийн банкны хоёр сонсгол сайн боллоо. Ардын намын бүх юм нь муу биш. Хулгайч нар нь муу л даа. Жижиг сажиг өрөөсгөл асуудал байгаагаас биш том дэвшил болсон. Идэж уусныг нь хараад суух биш дараагийн асуудлыг шийдэх ёстой.