УИХ-ын чуулганы хуралдаан өнөөдөр болж байна.

          Энэ үеэр УИХ-ын гишүүн Д.Тогтохсүрэн "Албан бус мэдээллээр манай улсад 2.6 сая фэйсбүүк хэрэглэгч байна гэж байна. Үүний 1.5 сая нь хуурамч хаяг байна гэсэн. Тэгэхээр сонгууль эхэлж байгаа энэ үед, жирийн үед ч хүмүүсийг  хуурамч хаягаар"гөвж" байна. Энэ хуурамч хаягийг илрүүлэ техникийн болон эрх зүйн боломж байна уу. Бид энэ чиглэлээр хууль гаргасан ч хэрэгжүүлж чадаагүй. Энэ бол сонгуульд их сөргөөр нөлөөлнө. Хоёр дахь нь хиймэл оюун ухаантай холбоотой асуудал. Үүгээр хүний хийгээгүй үйлдлийг хийсэн болгож харуулдаг, хэлж яриагүй юмыг хэлж ярьсан болгодог. Энэ байдлыг ч мөн илрүүлэх, хариуцлага тооцох арга байна уу" гэв.