ЦХХХ-ны  сайд Н.Учрал цаг үеийн асуудлаар мэдээлэл өглөө.

             Тэрбээр “Социал демократ Монголын Залуучуудын холбоо дэргэдээ Нийгмийн ардчилал залуучуудын сантай. Манай залуучууд өнгөрсөн хугацаанд өөрсдөө хөрөнгө, санхүүгээ босгож, 18 эмнэлгийн эмч нарын өрөөг тохижуулсан. Мөн шаардлагатай өвчтнүүдийг гадаад улсад эмчлэх эмчилгээний асуудлыг шийдвэрлэдэг. Сая БНСУ-д хоёр хүүхдийг хараа, сонсголын хагалгаанд оруулсан. Эрүүл мэндийн салбарт шаардлагатай хөрөнгө оруулалт , бүтээн байгуулалтуудыг зөвхөн улсын төсөв харж суух биш. Нийгмийн хариуцлагын хүрээнд байгууллагууд хийж хэрэгжүүлэх ёстой. Энэ ч утгаараа Нийгмийн ардчилал залуучуудын сан БНХАУ-ын Энх тайван хөгжлийн санд хүсэлт тавьсан. Ингэснээр бид эрүүл мэндийн салбарт ямар ажил хэрэгжүүлэх вэ гэх судалгааг явуулж, гурван төсөл хэрэгжүүлж байгаа. Энэ удаагийн Эх нярай эмэгтэйчүүдийн үндэсний төвийн эрчимт эмчилгээний тасгийг тохижууллаа” гэлээ.