УИХ-ын ээлжит хуралдаанаар  "Эрдэнэс Тавантолгой", "Эрдэнэт" ТӨҮГ хувьчлах асуудлаар гишүүд байр сууриа илэрхийлж байна.

     Энэ үеэр УИХ-ын гишүүн Ц.Даваасүрэн "Эрдэнэс Тавантолгой" ХК өнөөдөр улсынхаа экспортын орлогын 60-70 хувийг бүрдүүлж байна. Арваннэгдүгээр сарын байдлаар 7.8 тэрбум долларыг дангаараа оруулсан. "Эрдэнэс Тавантолгой", "Эрдэнэт үйлдвэр" гэсэн стратегийн ордуудыг хувь хүнд хувьчилна гэсэн ойлголт байж болохгүй. Харин иргэддээ хувьцаа эзэмшүүлэх, тухайн хувьцаа хаалттай, арилжаалагдаггүй байх хэрэгтэй.Энэ асуудлыг сайн шийдэхгүй бол орлого багатай иргэд явцдаа хувьцаагаа зардаг болвол стратегийн орд хэнд ч очиж мэднэ. Эрдэнэт үйлдвэрийн 49 хувиа бид алдчих дөхсөн шүү дээ. Тиймээс  улс орноо тэжээж байгаа эдгээр үйлдвэрүүдийн хувьчлалын асуудалд чухал анхаарах хэрэгтэй" гэв.