Нүүрсний хэргийг хянан шалгах түр хорооны хоёр дахь шатны нээлттэй сонсгол өнөөдөр тав дахь өдрөө үргэлжилж байна.  Энэ үеэр шинжээч Тавантолгой ордын Бортээгийн уурхайн хөрс хуулалт, өрөмдлөг тэсэлгээ, нүүрс олборлолт, нүүрс баяжуулах ажил гүйцэтгэх гэрээтэй хамаарал бүхий компаниудыг танилцууллаа.

    ШИНЖЭЭЧ: “Нэтикс майнинг про” ХХК, “Ган үзэгтэн сэтгүүл клуб” НҮТББ-ийн  гүйцэтгэх удирдлагаар Н.Өнөрцэцэг байна. Тэгвэл “Ган үзэгтэн сэтгүүл клуб” НҮТББ-ийн эцсийн өмчлөгчөөр Н.Өнөрцэцэгийн эгчийн хүүхэд О.Шүрэнсувд аж. Энэ байгууллагатай нэгдмэл ашиг сонирхолтой “Мон можар транс” ХХК нь нүүрс тээврийн үйл ажиллагаа эрхэлдэг. Тус компанийн үүсгэн байгуулагч нь Д.Баярмөнх, Ц.Нямдулам, О.Шүрэнсувд нар байна.