Нүүрсний хэргийг хянан шалгах түр хорооны хоёр дахь шатны нээлттэй сонсгол өнөөдөр тав дахь өдрөө үргэлжилж байна.

Нотлох баримтыг шинжлэн судлах сонсголын үеэр УИХ-ын Хянан шалгах түр хорооны гишүүн Ж.Бат-Эрдэнэ Засгийн газрыг сайн ажиллаж байгааг магтаж, хээл хахуулийн хэрэгтэй хатуу тэмцэж, хулгайчдыг орох, гарах гарцгүй болгож байгаа талаар ярьсан нь Нүүрсний сонсголоос хэтэрсэн асуудал гэдгийг Б.Энхбаяр сануулав.

Тодруулбал,

Ж.Бат-Эрдэнэ: Өнөөдөр Засгийн эрх барьж байгаа МАН-ын муухай харагдаж байгаа байх. Гэхдээ эрсдэл гаргаж байгаад нийгмээ шинэчлэх ажил явагдаж байгаа. Өчигдөр гэхэд тойргоо томсголоо. Дахиад тойрог дотроо томсгох ажил байна.

Б.Энхбаяр: Нотлох баримтыг шинжлэн судласан шинжээчийн дүгнэлтээсээ асуу. Юун тойрог томсгох асуудал болоод явчихав.

Ж.Бат-Эрдэнэ: За, уучлаарай.

Б.Энхбаяр: Араамандаа жаажигнана шүү, хэдүүлээ. Шинжээчийн дүгнэлтдээ тулгуурлаж асууна.

Ж.Бат-Эрдэнэ: Би бас хариулж байгаа хүмүүст тодорхой хэмжээний мэдээлэл өгөхгүй бол цахимаар дүүрэн буянтан болж харагдаад байна.